आमच्या लोकसहभागातुन विकास करणा-या गावात आपले सहर्ष स्वागत

छत्रपती शिवाजी महाराजांनी वसवलेले गाव म्हणजे रायगड. रायगड,म्हणजे खान भेटीच्या वेळी सर्व बाजूला नजर ठेवता यावी म्हणून नाका बसवला होता.आज जेथे मंदिर आहे तेथून थोडे दूर शिखर आहे. त्यावरून कृष्णा खोरे व उजव्या बाजूला वेण्णा खोरे दिसते तर पश्चिम बाजूला क्षेत्रमहाबळेश्वर पर्यंतचा परिसर दिसतो.असे ऐताहासिक गाव आहे.त्याचा उल्लेख शिवचरित्रात सापडतो.वस्ती तयार झाल्यामुळे तेथे गावाचे ग्रामदेवतेचे मंदिर स्थापना करण्यात आली.त्याबद्दल आज हि एक आख्यायिका सांगितली जाते ती अशी पूर्वी आजच्या ठिकाणी मंदिर आहे तेथे एक गाय दररोज येऊन तेथील पाषाणावर दुधाचा अभिषेक करत होती.तेव्हा तेथे आमच्या पूर्वजांनी ते पाहिले आणि त्याला आश्चर्य वाटले.पण ती गाय रोजच येते हे पाहून तेथे छोटेसे मंदिर निर्माण केले .पुढे ग्रामस्थांनी सुंदर मंदिराची निर्मिती केली.आज मंदिराचा परिसर व मंदिर पाहण्यासाठी व यात्रेच्या वेळी लाखो भाविक येतात